Seltjarnarnesbær sýnir ráðstöfun skatttekna


Bókhald Seltjarnarnesbæjar var opnað þann 15. janúar sl. með aðgengilegri veflausn. Það þýðir að íbúar geta til dæmis skoðað hvernig sköttunum er helst skipt upp og ráðstafað. Verkefnið hefur verið unnið í samstarfi við KPMG og sækir forritið upplýsingar í bókhaldskerfi bæjarins.

Ásgerður bæjarstjóri lýsir ánægju sinni með þennan áfanga, segist fagna því að bærinn muni birta þessar upplýsingar á heimasíðu bæjarins fyrir alla að skoða. Þetta verklag muni ennfremur auðvelda stjórnendum hjá bænum að bera sína stofnun saman við aðra í margvíslegum þáttum. „Þetta eykur gagnsæi og upplýsingagjöf til bæjarbúa, sem nú geta fylgst með breytingum innan fjárhagsáætlunarinnar ár hvert. Fólk mun til að mynda geta skoðað rekstur einstakra stofnana í bænum t.d. grunnskóla og stjórnsýslu svo eitthvað sé nefnt. Hægt verður að skoða upplýsingar um heildar vörukaup, þjónustukaup af tilteknum aðilum, helstu birgja og lánardrottna svo eitthvað sé nefnt. „ „Þetta er mikið framfara skref“ segir Ásgerður ennfremur og vonar að íbúar verði virkir í að fylgjast með og skoða ráðstöfun fjármagnsins hjá bænum.

You may also like...