Fjölbýli við Framnesveg og Hringbraut verðlaunuð

Endurbætur á þessum húsalengjum við Hringbraut og Framnesveg þykja einstaklega vel heppnaðar.

Tvö fjölbýlishús á horni Framnesvegar og Hringbrautar hlutu viðurkenningar fyrir endurbætur á eldri húsum í ágúst en Reykjavíkurborg verðlaunar vel heppnaðar endurbætur og fallegar stofnana-, fyrirtækja- og fjölbýlishúsalóðir á hverju ári.

Í miðborginni hlutu Grettsigata 3 og Mokka við Skólavörðustíg verðlaun. Umhverfis- og skipulagsráð Reykjavíkur veitir viðurkenningarnar eftir ábendingar frá vinnuhópum. Viðurkenningarnar eru veittar fyrir fallegar lóðir fjölbýlishúsa og fyrirtækja, fallega útiaðstöðu við sumargötur og vandaðar endurbætur á eldri húsum í Reykjavík árið 2015. Viðurkenningarnar hafa verið veittar um árabil með það að markmiði að hrósa fyrir vel viðhaldin hús, fallegt handbragð og snyrtilegar lóðir.

Falleg umgjörð eldra húss við Grettsigötu.

Einstaklega aðlaðandi aðkoma að Mokka við Skólavörðustíg en Mokka er elsta kaffihús í Reykjavík og hefur verið haldið óbreyttu frá upphafi.