Melaskóli 75 ára

Melaskóli fagnaði 75 ára afmæli þriðjudaginn 5. október.  Afmælishátíðin heppnaðist frábærlega og var skólinn fullur af syngjandi, kátum og klístruðum krökkum. Myndasýningar voru settar upp á þremur stöðum í skólanum og hann skreyttur fallega í tilefni dagsins.

Eins og í öllum almennilegum afmælum fengu nemendur pítsu í hádeginu og risastóra afmælisköku. Mikil kátína sveif yfir öllu skólastarfinu og margir eignuðust fallegar og góðar minningar til að ylja sér við. Til hamingju öll í Melaskóla með stórafmælið.